Սուր լիմֆոբլաստային լեյկոզով հիվանդ 2,5-ամյա Միլենա Տիրացվյանի առողջական վիճակը 3-րդ քիմիաթերապիայից հետո կտրուկ վատացել է: Միլենան այս պահին էլ բուժումներ է ստանում ԱՆ պրոֆ. Ռ.Հ. Յոլյանի անվան արյունաբանական կենտրոնում: Երեկ Միլենայի հայրը` Կարեն Տիրացվյանը «Հետքին» տեղեկացրեց, որ քիմիաթերապիայի 3 կուրսն ընդունելուց հետո երեխայի ոտքերը ուռել և թուլացել են , նա չի կարողանում քայլել, մեծացել է նաև փոքրիկի լյարդը.«Որպեսզի կարողանա ընդունել 4-րդ քիմիան, երեխան պետք է կարողանա քայլել»,- ասում է Միլենայի մայրը`Տաթև Տիրացվյանը: Միլենային անհրաժեշտ են Այլբոմին և Էնդոքսան պրեպարատներըը, որոնք ծնողները ի վիճակի չեն գնելու: Թեև փոքրիկի բուժումները օրենքով սահմանված կարգով պետք է լինեն անվճար, սակայն Ռ.Ա.Յոլյանի անվան արյունաբանական կենտրոնում, երեխայի բուժումները հետաձգում են ծնողների անվճարունակության պատճառով: 

ՈՒՇԱԴՐՈՒԹՅՈՒՆ
ԽՆԴՐՈՒՄ ԵՆՔ ԸՆԹԵՐՑԵՔ ԵՎ ՓՈՐՁԵՔ ՕԳՆԵԼ… Այս երեխաները հիվանդ են ռետինոբլաստոմա հիվանդությամբ (աչքի քաղցկեղ), ընտանիքի վեց երեխաներից երեքը տառապում են այս հիվանդությամբ: Երեխաներից մեկին կատարել են դենուկլեացիա (աչքի հեռացում), մյուսները նույնպես այդ վտանգի առջև են կանգնած: Ընտանիքին հարկավոր է 25000$, որպեսզի երեխաները բուժում ստանան Մոսկվայում: Մեզանից յուրաքանչյուրը կարող է օգնել փոքրիկներին՝ կատարելով իր ներդրումը: Նրանք իրոք շատ են զգում Ձեր օգնության կարիքը: Ինչու՞ նրանք էլ չապրեն ու չլինեն երջանիկ, ինչու՞ նրանք էլ չտեսնեն աշխարհի ամեն մի գեղեցիկ անկյունը և չվայելեն կյանքը: ՄԻԱՑԻՐ ՄԵԶ ԵՎ ՕԳՆԻՐ ՝ դարձնելով մանուկների կյանքը ավելի ուրախ, անհոգ ու երջանիկ: