Booking.com





«Չեմ կարա թողնիմ աչքիս դեմը մարի…»






Գյումրիի փոքրիկ բնակիչ, 10-ամյա Լևոն Այվազյանը օգնության կարիք ունի: Արդեն մեկ շաբաթ է գյումրվա հեռուստաընկերությունների եթերով կարելի է տեսնել երեխային օգնելու հորդորով գովազդը, որով հաղորդվում է բանկային հաշվեհամարը, քանզի Հայաստանում փոքրիկին բժշկությունն օգնել անզոր է և միայն Մոսկվայի Բուրդենկոյի անվան կենտրոնում է, որ պատասխանատու մասնագետները վիրահատություն անցկացնելու հավանություն են տվել: Սակայն անսպասելի վրա հասած դժբախտությունը՝ գլխուղեղի աճող ուռուցքը միակը չէ՝ աղետալի երկրաշարժից փրկված ընտանիքը միջոցներ չունի, որպեսզի կարողանա փրկել երեխայի կյանքը առանց կողմնակի օգնության…

Panorama.am-ի հետ զրույցում հուսահատ հայրը, Ռուբեն Այվազյանը, ով մի կերպ է փրկվել երկրաշարժից, պատմեց՝ «հիվանդությունը ուղղակի փուլ եկավ մեր վրա, ոնց որ ժամանակին շենքը փուլ եկավ վրաս»: Շուրջ երկու շաբաթ առաջ դպրոցում, հենց դասի ժամանակ փոքրիկ Լևոնը ուշագնաց է լինում, և բժիշկներն անմիջապես խորհուրդ են տալիս երեխային հետազոտել Երևանում: Վերջինիս արդյունքները նույնքան զարհուրելի են դառնում հոր համար, որքան 1988-ի աղետը՝ փոքրիկի մոտ հայտնաբերվում է գլխուղեղի աճող ուռուցք, որի պարագայում կյանքի ամեն վայրկյանն ուղղակի պարգև է դիտարկվում:




Առաջին հարվածին հաջորդում է երկրորդը՝ Հայաստանի ոչ մի մասնագետ հանձն չի առնում նման վիրահատություն անել: Լսելով դաժան պատասխանը հայրը երեխայի հետազոտությունների բոլոր արդյունքները, ռենտգեն ժապավեններն ու մնացածն ուղարկում է Մոսկվա, Բուրդենկոյի անվան նեվրովիրաբուժության ինստիտուտ, որտեղից էլ գալիս է հուսադրող պատասխանը՝ հայազգի պրոֆեսոր Ստեփանյանը պատրաստ է վիրահատել երեխային: Թեև, շարունակեց նա, ելնելով բարդությունից լիարժեք երաշխիքներ անգամ Մոսկվայի բժիշկները չեն տալիս.


«Ճար չունիմ… աչքիս դեմը չեմ կարող թողնի մարի, դռնե դուռ էլ ընկնեմ պիտ հավաքեմ փողը տանեմ»,- արցունքն աչքերին նշեց մեր զրուցակիցը մինչ ուսումնասիրում էինք բժշկական փաստաթղթերը հետևյալ եզրակացությամբ.




«Գոյացությունը կրանիալ կերպով տարածվում է ենթակեղևային կառույցների վրա, ճնշում և տեղաշարժում է տեսողական թմբերը երկու կողմերից ավելի ձախից՝ պերիֆոկալ այտուցի տեղամասերի առկայությամբ…. Գոյացությունը կուդալ տարածվում է ուղեղի ոտիկների վրա, ճնշում է քառաթումբ թիթեղը այն դեպի հետ մղելով…»: Իհարկե, միայն մասնագետը կարող է հասկանալ բժշկական այս տերմինաբանության ողջ լրջությունը: Բառերի այս կույտը ծնողներին՝ 2-րդ խմբի հաշմանդամ հորը՝ Ռուբեն Այվազյանին և 3-րդ խմբի հաշմանդամ Կարինե Կարապետյանին ստիպում է զօրուգիշեր լացել, բայց այնպես, որ երեխան չհասկանա, որ իր հետ մի բան այն չէ.


«Լաց ըլնելով սաղ օրը կհելնինք -կուգանք էրեխի դեմը կասենք-կխոսանք, կապիկություն կընենք, որ բան չիմանա: Ինքն էլ կմնա-կմնա կասի՝ ի՞նչ եք սաղդ թթվել նստել…»:




Թեև Ռուբենը ոչ միայն փոքրիկին է խնայում, այլև կնոջն ու ավագ որդուն, ով ծառայում է Մատաղիսում: Ասում է՝ «ճիշտը չեմ ասել, խնայում եմ, գիտեն ջուր է գլխում.. դե բժիշկների մոտ հետս կնիկս չի մտել, թղթերից էլ բան չի հասկանում»:




Անցած օրերի ընթացքում, որոնք Այվազյանների ընտանիքի կյանքը բաժանել են երկու մասի՝ մինչ չարաբաստիկ արդյունքներն ու դրանից հետո, Ռ.Այվազյանը դիմել է հնարավոր բոլոր ատյաններին ու պաշտոնյաներին, սակայն դեռևս ոչ մի շոշափելի, առարկայական պատասխան և կամ աջակցություն չի ստացել.




«Բոլորն ասում են՝ էսօր-վաղը, բայց ես ժամանակ չունիմ, էրեխու վիճակին չես կրնա ասել էսօր-վաղը… նոյեմբերի 6-ին էլ նշանակել են օպերացիան, պիտի հասցնեմ Լևոնին Մոսկվա… չգիտեմ՝ ո՞նց»,- ասաց նա ու նշեց, որ մի շաբաթ է, ինչ հեռուստագովազդով հաշվեհամարն է օրը մի քանի անգամ հրապարակվում, բայց այս պահի դրությամբ միայն 30 հազար դրամ է փոխանցվել.


«Բարեկամներ, հարազատներ, մենք բոլորս՝ օսկի-մոսկի, ինչ ունեինք հավաքել ենք, որ մի ճար անինք»,- ասաց Ռուբենը, ով քաջ գիտակցում է, որ եթե մարդիկ չօգնեն երեխային կկորցնի.




«Սամվել Բալասանյանի մոտ ասին նոյեմբերի 15-ինա ընդունելությունը, Արման Սահակյանին ստադիոնի մոտ պիտ բռնեմ, որ պատմեմ, ուրիշ ճար չունիմ տեսնելու, Մարտուն Գրիգորյանին էլ եմ փորձում տեսնել՝ չի հաջողվում»,- սկսեց թվարկել նա գյումրեցի բոլոր պաշտոնյաներին, ում դիմել է և կամ ում պատրաստվում է դիմել հույս ունենալով, որ կօգնեն՝ օր չի մնացել:

Թվարկեց նաև կառույցները, ուր օգնության խնդրանքով նամակ է գրել, բայց դեռ լռում են.




«Որբը երբ ա՞ խնդացել… հիմա էլ երեխուս դեմն ա գալիս»,- հուսահատ հավելեց Ռուբեն Այվազյանը….




Միայն վիրահատությունն արժե 250 հազար ռուբլի կամ 8.500 ԱՄՆ դոլար, բացի այս անհրաժեշտ է գումար հետագա բուժումների համար, որոնց թվում է նաև լազերային միջամտություն. Ընդհանուր առմամբ երեխայի կյանքը փրկելու համար անհրաժեշտ է շուրջ 17 հազար ԱՄՆ դոլար:




Փոքրիկ Լևոնի փրկության համար բացված հաշվեհամարը «Անելիք բանկ»-ում է՝ Ռուբեն Այվազյանի անունով, 11802017354800:





Աղբյուր` Panorama.am


Հեղինակ` Լիա Խոջոյան


Հուսահատությունից և անելանելի վիճակից ելնելով որոշեցի դիմել Ձեր օգնությանը,քանզի խոսքը վերաբերվում է անմեղ ու փոքրիկ մի էակի`դստերս`Մարիային,որը 8ամսեկան է: Նա իմ առաջին բալիկն է երկրորդ հղիությունից,առաջին բալիկիս կորցրեցի 26 շաբաթականում`spina bifida-ի պատճառով գլխում ջուր էր կուտակվել,որը անհամատեղելի էր կյանքի հետ:Վիշտս դժվար է բառերով նկարագրել,սակայն այլ ելք չկար:

Կարծես թե ամեն ինչ անցյալում մնաց,երբ ծնվեց իմ փրկությունը`Մարիան,որին հատուկ այդպես անվանեցինք:Սակայն նրա ծնվելու առաջին իսկ վայրկյանից բացի անսահման բերկրանքից ու երջանկությունից` վախ,անհասկանալիություն ու տխրություն զգացի,քանի որ տարօրինակ ճակատ ուներ`դուրս ցցված և եռանկյունի,աչքերն էլ նման էին չինացու աչքերի: 

Սակայն բժիշկներն ինձ հանգստացրեցին,ասելով,որ դա ծանր ծննդաբերության արդյունք է,քանի որ նա ծնվեց 4400կգ և 56 սմ հասակով,և ասացին,որ հետագայում մերսումներով կանցնի:Ես հանգստացա և սկսեցի սպասել հրաշքի: Անցավ 10 օր,1 ամիս,2 ամիս,3……….սակայն ճակատը ուղղվելու փոխարեն սկսեց ավելի արտահայտիչ դառնալ:Անհանգստությունից ելնելով սկսեցինք դիմել տարբեր բժիշկների և պարզվեց,որ ոչ մի մերսում էլ չի կարող ուղղել բալիկիս ճակատը,քանի որ նրա մոտ շատ հազվադեպ հանդիպող հիվանդություն է`տրիգոնոցեֆալիա,որի հաճախականությունը 1/50 000 է իսկ ՀՀ նման ախտորոշումով երեխա չի էլ եղել`ըստ ՀՀ գլխավոր մանկական նեյրովիրաբույժ Մ.Մարտիրոսյանի և անհրաժեշտ է վիրահատություն արտերկրում:

Աշխարհը գլխի վրա շուռ եկավ, երբ իմացա,թե ինչ է նշանակում այդ ախտորոշումը`բալիկի գանգի ճակատային կարանը ժամանակից շուտ փակվել և ոսկրացել է,բալիկը ծնվել է ժողովրդական լեզվով ասած փակ գաղտունով:Դրա արդյունքում գլխի դիմային-ճակատային հատվածի աճը կանգնել է իսկ գանգի սեղմված հատվածները խանգարում են ուղեղի աճին,որը մինչև 2 տարեկան գտնվում է աճման և զարգացման ամենաակտիվ փուլում:Դա բերում է երեխայի աճի և զարգացման խանգարմանը,ներգանգային ճնշման բարձրացմանը,որն էլ իր հերթին բերում է տեսողության խանգարումների և գլխացավերի,իսկ որ ամենադաժանն է`մտավոր հետամնացության և հաշմանդամության:Ահա և հասկանալի դարձավ,որ նրա աչքերի ձևը նման է ոչ թե մամային կամ պապային,այլ նրա հիվանդության հետևանքն է:

Չէի կարողանում դրան հավատալ,իմ բալիկը կարող է դառնալ մտավոր հետամնաց և հնարավոր է,որ չկարողանա շարժվել,նստել,նույնիսկ քայլել: Բալիկիս մոտ դեռևս նման երևույթները խորը արտահայտված չեն,քանի որ նա դեռ փոքր է և եթե ժամանակին չկատարենք վիրահատություն,ապա դրանցից խուսափելն անհնար կլինի նրա մեծանալու հետ զուգահեռ……..Հաջորդ հարվածը ստացա այն ժամանակ,երբ տարբեր կլինիկաներից տեղեկացա,թե ինչ արժի տվյալ վիրահատությունը:

Դա աննկարագրելի անհասանելի գումար է մեզ համար,իսկ ժամանակը աշխատում է մեր դեմ,քանի որ վիրահատությունը պետք է կատարվի 6-8 ամսական հասակում,որպեսզի ունենանք և բուժական և կոսմետիկ հիանալի արդյունք,քանի որ դեռ գանգը լրիվ ոսկրացաց չէ և ցանկացած փոփոխության ենթարկելը հնարավոր է:Վիրահատության արդյունքում մենք կմոռանանք,որ նման խնդիր ենք ունեցել և իմ Մարիան կապրի լիարժեք և առողջ ,առողջ,առողջ……….Դիմում եմ Ձեզ մայրական անբիծ ու անկեղծ խնդրանքով,օգնեք խնդրում եմ փրկել նրան հաշմանդամ լինելուց,պարգևեք նրան անհոգ մանկություն,որը ես նրան ապահովել ցավոք սրտի չեմ կարող,անզոր եմ…………Ձեր ցանկության և հնարավորության չափով խնդրում եմ,օգնեք վիրահատել նրան Մոսկվայում,քանի որ այնտեղ վիրահատությունը ամենամատչելին է բոլոր հնարավոր տարբերակներից:Հավատում եմ,որ կարեկից կգտնվեք,քանի որ խոսքը վերաբերվում է մի անմեղ փոքրիկի,որը դեռ շատ անելիք ունի ապագայում…………….
Դիմել եմ Առողջապահության նախարարություն:Նրանք պատասխանել են,որ կարող են օգնել միայն իմ և բալիկի ճանապարհածախսը,եթե դա լինի ԱՊՀ տարածքում,որի համար հոգաչափ շնորհակալ եմ:Հույս ունեմ,որ ևս Ձեր հատկացրած հնարավոր օգնության շնորհիվ հնարավոր կդառնա ժամանակին իրականացնել անհրաժեշտ բուժումը:Վիրահատության վերջնական ժամկետ է նշանակվել Փետրվարի 4,որից ուշ կատարելու դեպքում հնարավոր է անհրաժեշտ ցանկալի արդյունքը չունենանք,քանի որ երեխան 9 ամսական է արդեն լինում: Ցավոք ամեն ինչ կախված է գումարից,ինչքան շուտ հայթայթեմ գումարը,այնքան ավելի հեշտ կլինի հետվիրահատական շրջանը:

Մենք խնդրում ենք Ձեր աջակցությունը ցուցաբերել փոքր բալիկի ճակատագրին և Ձեր հնարավորությունների սահմաններում օգնել հավաքել բուժման համար նախատեսված գումարը: Հոգաչափ շնորհակալ ենք և հավատում ենք,որ կարեկից կգտնվեք:Եթե Դուք կցանկանաք օգնել և միջամտել իմ բալիկի ճակատագրին,ապա թող Ձեզ չանհանգստացնի այն փաստը,որ վիրահատությունը շատ թանկ արժե`18 000 դոլլար Մոսկվայում,25 000եվրո Գերմանիայում,23 000 Իզրայելի մեկ և 42 000 մյուս կլինիկայում:
Իմ բալիկի ապագան Ձեր բարի սրտերում է:Կանխավ հոգաչափ շնորհակալություն:

Հարգանքներով`Մկրտչյան Ալլա allawm@mail.ru Հասցե : Երևան 0050,Մուսայելյան 25 Հեռ:093-503-403
Ալլա Մկրտչյան
HSBC Bank Armenia (Էյջ-Էս-Բի-Սի Բանկ Հայաստան)
Հ/Համար՝ 006002612001

SWIFT: MIDLAM22 Արժույթ`AMD



Մեր երկու տարեկան որդին` Հովհաննես Ռուբենի Հասրաթյանը (ծնված` 04.10.10թ.), տառապում է հետևյալ ախտանիշով`մանկական ուղեղային կաթված (ДЦП), միկրոցիֆալիա, սիմպտոմատիկ էպիլեպսիա: Այս հիվանդության ախտանիշներն անհնար են դարձնում երեխայի ֆիզիկական և մտավոր զարգացումը: Դրանք հայտնաբերելուն պես, այսինքն` ի ծնե, մենք` ծնողներս, զբաղվել ենք և զբաղվում ենք երեխայի առողջական խնդիրներով` չկանգնելով ո՛չ հոգեբանական ու ո՛չ էլ ֆինանսական դժվարությունների առաջ:

Երևանում գործող համապատասխան բուժհաստատություններում ու վերականգնողական կենտրոններում կազմակերպվող վերականգնողական բուժումը, սակայն, արդյունք չի արձանագրել, իսկ սա այն հիվանդությունն է, որի դեպքում դրական փոփոխության բացակայությունը հավասարազոր է հիվանդության վատթարացմանը:

Հաշվի առնելով այն փաստը, որ հայաստանյան բուժպոտենցիալն արել է ամեն հնարավորը, բայց, ցավոք, անարդյունք, ինձ մնում է երեխայիս փրկությունը կապել ավելի էֆեկտիվ բուժման հետ, որն իրականացվում է Գերմանիայի Քյոլն քաղաքում գտնվող մանկական ուղեղի կաթվածի բուժման կենտրոնում, այն էլ` միմիայն զգալի միջոցների` մոտ հինգ հազար եվրոյի, առկայության պարագայում, որն իր մեջ ներառում է դիագնոստիկան, բուժում, ֆիզիոթերապիան և բժշկական այլ օժանդակ միջոցառումներ: Մեր որդու առողջության վերականգնման համար տագնապալի է նաև այն, որ բուժումը հարկավոր է սկսել արդեն 2013թ. հունվարի 21-ին (համաձայն կլինիկայի հրավերի), քանի որ հիվանդության հետագա ընթացքն անդառնալի-վատ հետևանքներ կունենա երեխայի ապաքինման համար: Ուստի խնդրում-ակնկալում եմ բոլորիդ ցավակից աջակցությունը որդուս փրկության հարցում:

Հուսով ենք՝ չեք մերժի հուսահատության եզրին հասած ծնողներին, ում համար դուք բոլորդ իրենց երեխայի փրկության վերջին հույսն ու ապավենն եք:

Մենք արդեն անչափ-անսահման շնորհակալ ենք Ձեր ցանկացած չափի աջակցության համար:




Ռուբեն Հասրաթյան և Լուսինե Ղազարյան


Փաստացի հասցե. Ք. Երևան, Կիևյան 2 բն.14

Հեռ. 055 906760, 091 583301

E-mail. lusinekv@mail.ru

Հաշվեհամար`

163009506060 (Եվրո) Հայէկոնոմբանկ ԲԲԸ

1510002229020100 (ՀՀ դրամ) Արարատբանկ ԲԲԸ





Սոնյայի աջակցման կայքը՝ http://savesonya.simplesite.com/





Առջևում Ամանոր է. մանուկների կողմից ամենասպասված և սիրելի տոնը:

8-ամյա Մադորան ընդամենը 20 օր առաջ Ձմեռ պապիկից բոլորովին այլ բան էր խնդրում, իսկ հիմա խնդրում է մի բան՝ առողջություն:

Ամանորը Մադորան ստիպված կլինի դիմավորել հիվանդանոցում, քանի որ բժիշկները մոտ 20 օր առաջ շատ անսպասելիորեն նրա մոտ հայտնաբերել են Սուր լիմֆոբլաստային լեյկոզ հիվանդությունը: Նա արդեն 16 օր է բուժման նպատակով գտնվում է Յոլյանի անվան արյունաբանական կենտրոնում:

Սոցիալապես անապահով Հարոնյանների ընտանիքը բնակվում է Սյունիքի մարզի Գորիսի շրջանի Հալիձոր գյուղում: Մադորան ապրում է հոր, մոր և կրտսեր քրոջ հետ: Դպրոցում սովորում է գերազանց. երազում է բժշկուհի դառնալ:

8-ամյա Մադորան ստիպված է մի շարք դեղեր ընդունել, բացի այդ դեկտեմբերի 14-ին արդեն մեկ անգամ անցել է քիմիոթերապիայի առաջին կուրսը:

Չնայած արյունաբանական կենտրոնում փոքրիկ Մադորան ուշադրության և հոգատարության պակաս բժիկների կողմից չի զգում, սակայն նրա արդյունավետ ապաքինման համար անհրաժեշտ է բուժում ստանալ արտերկրում:

Բնականաբար սոցիալապես անապահով ընտանիքը, որը ծայրը ծայրին է հասցնում երեխային դեղերով ապահովել, չի կարող հոգալ արտերկրում երեխայի բուժման ծախսերը: Ընդհանուր առմամբ Գերմանիայում բուժում ստանալու համար պահանջվում է շուրջ 50 հազար ԱՄՆ դոլար:

Փոքրիկը լիահույս է, որ բոլոր բարի մարդիկ և Ձմեռ պապը, կօգնեն իրեն շուտափույթ բուժման հարցում:

Իսկ մինչ այդ նա իր հիվանդասենյակում, որտեղ պարտավոր է անցկացնել դեռ 3 ամիս, տեղադրել է հատուկ տուփ, որպեսզի բոլոր իրեն այցելողները իրենց լուման ներդնեն իր բուժման համար:

Մադորա Հարոնյանի բուժումն արտերկրում շարունակելու նպատակով <ՎՏԲ Հայաստան> բանկի <Արաբկիր> մասնաճյուղում բացվել են հաշվեհամարներ:

VTB Transfer ù³ñïÇ Ñ³Ù³ñ ìî´-г۳ëï³Ý ´³ÝÏ ²ñ³µÏÇñ Ù/×-áõÙ µ³óí»É »Ý ù³ñï³ÛÇÝ Ñ³ßÇíÝ»ñª

AMD 16040044560900

USD 16040044560901

EUR 16040044560902

RUR 16040044560903

Կոնտակտային տվյալներ. (077) 349201- Բելլա Բախշյան, փոքրիկի մայրը

Մի եղեք անտարբեր, Ձեր լուման ներդնելով՝ Դուք կարող եք փրկել այս փոքրիկի կյանքը:

Աղբյուրը՝ Slaq.am


2012 թ.-ի սեպտեմբերին 4-ամյա Լիլիթի մոտ հայտնաբերվել է երիկամի չարորակ ուռուցք: Այժմ Լիլիթը բուժվում է Ֆրանսիայի Լիլլ քաղաքի հիվանդանոցներից մեկում: Բուժման առաջին փուլի և վիրահատման համար անհրաժեշտ գումարի մեծ մասը փոխանցված է, սակայն բուժումը կտևի ամենաքիչը 1 տարի, որի համար կպահանջվի ավելի քան 30.000 ԱՄՆ դոլար: Ձեր կողմից նվիրաբերված ցանկացած գումար կօգնի Լիլիթին: Խնդրում ենք օգնել՝ փրկելու նրա կյանքը: Նախապես շնորհակալություն:

Փոխանցում կարող եք կատարել Հայէկոնոմբանկի հետևյալ հաշվեհամարներով՝ 

AMD - 163288028141 
USD - 163288028158 
EUR - 163288028166 
հաշվի պատասխանատու՝ Շուշանիկ Առաքելյան (Լիլիթի մայրը) հեռ. 091 210 213 Կամո (Լիլիթի հայրը) -------------------------------------------

 In September 2012 four year old Lilit was diagnosed to have a cancer of the kidney. Now Lilit is in a hospital in Lill, France. A great part of money for treatment is already transfered, but the full treatment will last at least 1 year, and more than 30.000$ is needed. Each amount of money you donate will help Lilit. Please, help to save her life. Thank you all. --------------------------------------------- 
For transfers in USD Armeconombank, Armenia Beneficiary: Araqelyan Shushanik Account no: 163288028158 tel: +39491210213 Kamo (Lilit's father)



3 տարեկան Միլենան տառապում է ռիտինոբլաստոմա (աչքի չարորակ ուռուցք) հիվանդությամբ: Օգոստոս ամսին աղջնակը վիրահատվել է Մոսկվայում: Ներկայումս նա Երեւանի Ռենտգեն ինստիտուտում ստանում է քիմիոթերապիայի կուրսեր: Երեխային անհրաժեշտ է բուժումը շարունակել Մոսկվայում, սակայն չկան ֆինանսական միջոցներ այն իրականացնելու համար: Խնդրում ենք՝ աջակցել որեւէ կերպ...
Կից ներկայացնում եմ փոքրիկի հիվանդության պատմությունը՝ 
Ցանկության դեպքում գումար կարող եք փոխանցել ВТБ Հայաստան բանկի հետևյալ հաշվեհամարներին՝
AMD 16093014916800
USD 16093014916801
EURO 16093014916802
RUR 16093014916803 


Blogroll